لا تسأل علي

[center]
لا تسأل علي وتكول هذا منين
عن يا جرح جاي تريد تسألني

انه ايامي يجن ومطرزات بعوز
وفوك الضيم كله العشك كاتلني

وأطرد بالدموع شكثر من العين
ودموعي خطيه شكد تصبرني

تحسدني عليمن ولك عن يا حال
انه بطرك الشعر شتريد تحسدني

آنه ويه الوكت عشرت نهار وليل
لا آنه اكبله ولاهو يكبلني

ولا اريد الفرح ومزاعله من اسنين
وما اعرف الحزن بس هوه يعرفني

انه شتلة ورد تاعب علي فلاح
بعاكولك ولك ما ارضه تشتلني

احب انه الحزن دللني وانه زغير
وأكره كل فرح ما يوم دللني

اكتبلي شعر بس كون ما مسموع
حتى استقبلك لمن تناقشني

انه طبعي غزاله معانده الصياد
صيادك دسأله بعمره صايدني

اذا تكرهني انته احجيه هيج وياي
لا تضحك بوجهي ولا تجاملني

انه شط العرب شوفني طبع الناس
وسولفي سوالف بيهه علمني

لا تكعد ولك وي ناس اليكرهون
وعلى تلاوة غشيم شبيك لا تخشع

ولا تسمع كلام اليحجي قيل وقال
اذا حاجاك شامت كله ما اسمع

واكضي الليل كله الليل هم يفيد
لتاني الصبح مو كل صبح يطلع

وللعافوك ترجع ذله واكبر عار
مو كلولك انته وكيفت ترجع

وليغرك ركوع فلان يم فلان
للشيطان يركع لله ما يركع

وليغرك الشاعر كائناً من كان
اكو عدنه منصه تبين الابدع

ولا تشكي كلامك يم بشر بذات
تدمع عين كلبه وعينه ما تدمع

وليغرك السيف اليلمع بجف خوف
سيف الما يكص شيفيد خل يلمع

اخذ طبع النجم ما ضاك طعم النوم
رغم هاي السنين وما خلص صبره

وخذ طبع الشجر من الهوه شكد خاف
اذا جاهه الهوه اتضل ترجف الشجره

من طبع الغني عايش بأحسن حال
ومن طبع الفقير يعيش عالقدره

ابو لسان الطويل تعذره كل الناس
بس شوف المؤدب ياهو اليعذره


[/center]

عاشت ايدك حياتي روعه